English

الأسئلة الشائعة

أحتاج أحمّل تطبيق؟

لا. تقدر تستخدم فزعة على تيليجرام، أو من تطبيق فزعة اللي يفتح من المتصفح على الجوال والكمبيوتر وتثبّته على شاشتك بدون متجر. ونسخة App Store وGoogle Play قريباً.

التطبيق بالإنجليزي؟

إيه. التطبيق بالعربي والإنجليزي، ويفتح حسب لغة جوالك، وتقدر تغيّرها من الإعدادات.

وش الفرق بين المجاني وبرايم وإيليت؟

المجاني دائم: 100 رسالة و10 مواعيد وتذكيرات بالشهر، و3 صور، و70 رد بالمكالمة الصوتية، ومتابعة مستنداتك، وسجل أدويتك، وموظفين في طاقم عملك، وموقع واحد لمشروعك. برايم بـ 199.99 ريال بالسنة: 300 رسالة بالشهر، وتذكيرات ومناسبات ومهام متكررة بلا حد، و20 صورة، و4 في طاقم عملك، وموقعين لمشروعك، وأماكنك، والطوارئ، وقراءة Gmail، ومصاريفك من رسائل البنك (قريباً). إيليت بـ 299.99 ريال بالسنة: كل اللي في برايم، و600 رسالة بالشهر لك ولشخص من أهلك معك بنفس الاشتراك، و40 صورة بالشهر، و10 في طاقم عملك، و3 مواقع.

وش يعني «شخص من أهلك»؟

مع إيليت تضيف شخص واحد من أهلك من الدرجة الأولى (زوج أو زوجة، ابن أو بنت، أب أو أم، أخ أو أخت) ياخذ الاشتراك معك بدون زيادة، والـ 600 رسالة بالشهر لكم الاثنين. من التطبيق («حسابي» ← «شخص من أهلك») ترسل له رابط دعوة. بعدها تقدر تقول لفزعة «ذكّر أمي بالدواء الساعة 9» ويوصلها التذكير. كل واحد محادثاته وبياناته له، والثاني يشوف بس التذكيرات اللي سجلتها له.

يتابع مستنداتي الرسمية؟

إيه، حتى في المجاني. صوّر الهوية أو الجواز أو الرخصة أو الاستمارة أو التأمين وأرسلها لفزعة، أو اكتب تاريخ انتهائها. يذكرك قبلها بشهر وبأسبوع ويوم انتهائها مع طريقة التجديد. نحفظ نوع الورقة وتاريخ انتهائها بس، ما نحفظ رقمها ولا صورتها.

هل يرسل شي باسمي؟

بموافقتك بس. حسب الطلب: يجهز لك الرسالة وترسلها أنت، أو يرسلها عنك بعد ما توافق.

وش أسعار المؤسسات والشركات؟

السعر حسب احتياجك وحجم شغلك. كلمنا ونعطيك عرض بعد ما نفهم شغلك.

يفهم اللهجة والإنجليزي؟

إيه، كلمه باللهجة السعودية أو بالإنجليزي، كتابة أو فويس.

يرتبط مع تقويمي وبرامجي؟

إيه. من التطبيق («حسابي» ← «ربط التطبيقات») تربط تقويم جوالك (آيفون أو قوقل أو أوت لوك) وNotion وأوت لوك (الإيميل والتقويم) وSlack، وقراءة Gmail في برايم. والإرسال من Gmail وتقويم قوقل ودرايف ومهام قوقل قريباً. الربط اختياري وتفكه متى ما بغيت.

وش «موجز يومك»؟

رسالة كل صبح بالوقت اللي تختاره، فيها مواعيدك وتذكيراتك لليوم. تشغّله من إعدادات التطبيق، أو تقول لفزعة «شغّل موجز يومك الساعة 7».

يعرف رسائل البنك والمواعيد؟

قريباً. نجهّز طريقة سهلة تخلي رسائل البنك تصير مصاريف مرتبة، والمواعيد والفواتير تصير تذكيرات. وللحين تقدر تنسخ رسالة الموعد وتلصقها في فزعة ويسجلها لك تذكير.

يقدر يدفع فواتيري؟

للحين لا. يذكرك قبل موعد الفاتورة ويجهز لك رابط الدفع الرسمي، وأنت تدفع بنفسك. والدفع عنك بموافقتك نشتغل عليه.